“İnnovasiyalar Mərkəzi” 2013-cü ildən Agentliyin strukturuna daxil olan qurumlarda və digər sektorlara aid dövlət və özəl müəssisələrdə səmərəlilik və məhsuldarlığı artırmaq məqsədilə müxtəlif İT həlləri və texniki dəstək xidmətlərini həyata keçirir.
Texniki dəstək
Xidmətlərə proqram təminatlarının hazırlanması və ya yenilənməsi, İT infrastrukturun qurulması (kompüter, printer, skaner, masaüstü telefon, planşet), server və texniki otaqlardakı avadanlıqların quraşdırılması və sazlanması, IP telefoniya və rabitə üzrə İT avadanlıqların quraşdırılması və sazlanması və videokonfrans, təlim və videomüşahidə sistemlərinin quraşdırılması və sazlanması daxildir.
Məlumat bazası, server və sistem
Yeni infrastrukturun qurulması (0-dan), server otaqlarının qurulması, fiziki və virtual server, təchizat və proqram həlləri, məlumat bazası sistemi (MySQL, MSSQL, Oracle) həlləri, məlumat toplama (DAS, NAS, SAN,) həlləri, məlumatların ehtiyat kopyalanması və bərpası və s. xidmətlər daxildir.
İnformasiya təhlükəsizliyi
İnformasiya sistemlərinin təhlükəsizlik proseslərinin monitorinqi, firewall, router və switch-lərin standart təklükəsizlik konfiqurasiyası ilə müqayisəli yoxlanılması, lokal şəbəkəyə və internet resurslardan istifadə səviyyəsinə nəzarət, serverlərin, internet-trafikin və elektron poçtun antivirus müdafiəsi, şifrələmə vəsaitlərinin administrasiyası, istifadəçi hesablarının idarə olunması və s. xidmətlər daxildir.
IP telefoniya
IP telefoniya serverlərinin şəbəkə baxımından dizaynı, quraşdırılması və sazlanması, şəbəkənin ümumi dizaynı, topologiyanın hazırlanması, CISCO account management, çağrı mərkəzlərinin ümumi administrasiyası, texniki spesifikasıyanın yazılması, simsiz - WIFI şəbəkənin dizaynı, sazlanması və s. xidmətlər.
Tətbiq və proqram təminatı
Sifarişçi istəklərinin alınması, mövcud biznes proseslərin xəritələnməsi, biznes proseslərinin optimallaşdırılması, texniki tapşırıq sənədlərinin hazırlanması, müasir və təyinatına uyğun UI/UX dizaynın hazırlanması, proqram təminatının hazırlanması, test mühitinin formalaşdırılması, təhvil prossesindən sonrakı dəstək xidmətləri daxildir.
